Polo presente anuncio, procédese á corrección de erros publicados no DOG número 92 de data do 15 de maio de 2000, con motivo da aprobación definitiva da modificación puntual nº 17 do PXOU relativo á vía Seminario-Corredoira, polo que onde di: «contra o devandito acordo, que pon fin á vía administrativa, poderá interpoñerse un dos seguintes recursos:

a) Potestativo de reposición ante o alcalde-presidente do Concello de Vigo no prazo dun mes a partir do día seguinte ó de publicación deste anuncio.

b) Contencioso-administrativo ante o Tribunal Superior de Xustiza de Galicia, no prazo de dous meses, contados desde o día seguinte ó de publicación deste anuncio. Non obstante, interposto o recurso de reposición non poderá interpoñerse recur

so contencioso-administrativo ata que sexa resolto expresamente o primeiro ou se produza a súa desestimación presunte polo transcurso do prazo máximo dun mes para dictar e notifica-la resolución.

c) Calquera outro recurso que estime oportuno interpoñer e sexa procedente».

Deberá dicir:

«Contra o devandito acordo, que pon fin á vía administrativa, poderá interpoñerse o seguinte recurso:

a) Contencioso-administrativo no prazo de dous meses contados desde o día seguinte ó de publicación do presente anuncio, ante o Tribunal Superior de Xustiza de Galicia de acordo co establecido no artigo 10 da Lei 29/1998, do 13 de xullo, reguladora da xurisdicción contencioso-administrativa», como consecuencia do establecido no artigo 107 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, no que establece que contra as disposicións administrativas de carácter xeral non caberá recurso en vía administrativa.

Vigo, 27 de xuño de 2000.

Lois Pérez Castrillo

Alcalde-presidente da Xerencia Municipal

de Urbanismo