O Pleno do Concello, en sesión ordinaria do 30 de xuño de 2000, acordou aprobar definitivamente o instrumento urbanístico denominado estudio de detalle para reordenación das zonas dotacionais incluídas dentro do ámbito da UA-6 Sigueiro-Oroso redactado por Luis Couto González por iniciativa municipal.

O que se fai público para a súa efectividade, en cumprimento do previsto no artigo 48 da Lei 1/1997, do 24 de marzo, do solo de Galicia.

Contra o acto de aprobación definitiva, que pon fin á vía administrativa, poderase interpor recurso potestativo de reposición perante o Pleno do Concello no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xurisdiccional mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia. No suposto en que se interpoña recurso administrativo de reposición, non poderá interpoñerse recurso contencioso-administrativo ata que non se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquél en que se notifique a resolución expresa do recurso potestativo de reposición ou no que este deba

entenderse presuntamente desestimado. No suposto de desestimación presunta do recurso de reposición, o prazo para interpoñe-lo recurso contencioso-administrativo é de seis meses.

Todo isto de acordo co disposto nos artigos 116 e 117 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e os artigos 8 e 46 da Lei 29/1998, do 13 de xullo, reguladora da xurisdicción contencioso-administrativa.

Sen prexuízo de calquera outro recurso que en dereito se considere oportuno.

Oroso, 3 de xullo de 2000.

Eugenio Neira García

Alcalde