O Pleno do Concello de Vigo, en sesión ordinaria do 29 de maio de 2000, adoptou o seguinte acordo:
Primeiro.-Desestima-las alegacións formuladas ó presente expediente de aprobación de estudio de detalle para U.A. 4 Samil, excepción feita da presentada por Agustín Arca Fernández en representación de Unión de Vigueses Independientes, que se estima parcialmente no sentido de rectifica-lo erro
material de transcrición sobre medidas do viario (14 metros da rúa A, cando debe dicir 12 e 12 metros da rúa C cando debe dicir 10) e sen prexuízo de que se practiquen, tamén á vista das alegacións formuladas, as correccións sobre titularidades de parcelas que procedan.
Segundo.-Aprobar definitivamente o estudio de detalle da U.A. 4 Samil, na parroquia de Navia (exp. 4035/411), presentado por Américo Alonso Alonso e Benigno Pérez González, redactado polo arquitecto José Enrique López Santander, con visado do COAG de data 1 de setembro de 1997.
Terceiro.-Proceder á publicación desta aprobación definitiva no DOG e no BOP, segundo artigo 48 da Lei 1/1997, do 24 de marzo, do solo de Galicia, con notificación persoal ós propietarios afectados, así como as comunicacións e traslados previstos no punto 3º do devandito artigo.
Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.
Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.
Vigo, 4 de xullo de 2000.
Lois Pérez Castrillo
Alcalde-presidente da Xerencia Municipal
de Urbanismo