Nesta delegación provincial séguese expediente sancionador número P-27/2000, contra José Manuel e Juan Carlos Pazos Barros (Don Juan, S.C.), e a empresa operadora Salón Casablanca, S.L. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de apertura e prego de cargos por resultar descoñecido o domicilio de José Manuel e Juan Carlos Pazos Barros (Don Juan, S.C.).
Acordo de apertura.
O director xeral de Interior, por delegación do conselleiro de Xustiza, Interior e Relacións Laborais, con data do 29 de maio de 2000, adoptou o seguinte acordo:
Vista a acta número 02/100989, de data do 10 de agosto de 1998, levantada pola Inspección de Xogo no establecemento público denominado Restaurante Don Juan sito en r/ Blanco Porto, número 4 do concello de Pontevedra, remitida con proposta
de apertura de expediente sancionador pola delegación provincial desta consellería de Pontevedra (escrito de data 12-11-1998).
Considerando que os feitos denunciados poideran ser constitutivos dalgunha das infraccións tipificadas nos artigos 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).
ACORDA:
1º Incoar expediente sancionador, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, contra:
-A empresa operadora Salón Casablanca, S.L. CIF: 27028331.
-O titular ou responsable do establecemento José Manuel e Juan Carlos Pazos Barros, Don Juan, S.C., CIF: G-36315117.
2º Nomear instructor e secretaria del respectivamente a: Juan Girón Astray e Clara Eugenia García Bermúdez.
Prego de cargos.
Primeiro.-Te-la empresa operadora Salón Casablanca, S.L. instaladas o día 10 de agosto de 1998 no establecemento público denominado Restaurante Don Juan, sito na rúa Blanco Porto, número 4 do concello de Pontevedra, da titularidade de José Manuel e Juan Carlos Pazos Barros, Don Juan, S.C., CIF: G-36315117, unha máquina recreativa tipo A, modelo A-1927, serie 1-566, guía de circulación número 5024115 e autorización de explotación GA-P-31402, carecendo de boletín de instalación, e outra máquina tipo B modelo 8057, serie 98-562, guía de circulación número 1393984 carecendo da autorización de explotación e do boletín de instalación.
Segundo.-Tales feitos poden ser constitutivos de infracción moi grave ou grave tipificada no artigo 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).
O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días para presentar prego de descargos, no que poderá solicita-lo recibimento a proba do expediente na forma previda no número 2 b) do citado precepto legal.
Pontevedra, 30 de xuño de 2000.
P.A.
Juan Girón Astray
Instructor