En cumprimento da legalidade vixente, anúnciase concurso público para a contratación dunha asistencia técnica para a impartición de programas de inducción e sensibilización cara ó cambio estratéxico e empresarial.
1. Entidade adxudicadora.
a) Organismo: Instituto Galego de Promoción Económica (Igape), barrio de San Lázaro s/n, 15703 Santiago de Compostela, tlfo.: 981 54 11 01, fax: 981 54 10 92.
b) Número de expediente: C.P. nº 07/00.
2. Obxecto do contrato.
Asistencia técnica para a impartición de programas de inducción e sensibilización cara ó cambio estratéxico e empresarial, coa desagregación seguinte en lotes:
-2 programas de auditorías internas dos sistemas de calidade (lote 1).
-1 programa de sistemas de xestión ambiental (lote 2).
-1 programa de sistemas de xestión da seguridade laboral (lote 3).
-1 programa de melloras da calidade e productividade (lote 4).
-1 programa de melloras nos procesos financeiros (lote 5).
-1 programa de eliminación da dilapidación (lote 6).
-1 programa de xestión dos custos da non calidade (lote 7).
-1 programa de sistemas de intelixencia comercial (lote 8).
-1 programa de políticas e sistemas de avaliación do desempeño (lote 9).
-1 programa de xestión do capital circulante e a tesourería (lote 10).
-1 programa da calidade despois da certificación (lote 11).
-1 programa de retención e fidelización de clientes (lote 12).
-4 programas de aplicación empresariais de internet, intranet e extranet (lote 13).
-1 programas do comercio electrónico e as novas canles de comercialización (lote 14).
-1 programa de reducción do tempo de ciclo dos procesos de negocio (lote 15).
-1 programa de políticas retributivas nos novos contornos competitivos (lote 6).
Prazo de execución: os programas levaranse a cabo nas datas e lugares establecidos na programación Pimega que realizarán conxuntamente o Igape e as adxudicatarias, reservando non obstante o Igape para si a capacidade de decisión. A vixencia da contratación establécese nun ano desde o inicio da execución, que será determinada polo Igape nun máximo de tres meses desde a sinatura do contrato. No caso de que os adxudicatarios ofertasen a mellora referida na cláusula 7.3 do prego de prescricións técnicas, a vixencia estenderase durante o período de mantemento da rede telemática ofertada polo adxudicatario.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso público.
4. Orzamento máximo de licitación: 11.360.000 ptas. (once millóns trescentas sesenta mil pesetas), IVE incluído, coa seguinte desagregación por horas lectivas e lotes:
Lotes nº Orzamento máximo hora lectiva Orzamento máximo de licitación por lote
1 48.000 ptas. 1.920.000 ptas.
2, 3, 4 e 5 48.000 ptas. 960.000 ptas.
6, 7, 8, 9, 10, 11, 12, 14, 15 e 16 50.000 ptas. 400.000 ptas.
13 50.000 ptas. 1.600.000 ptas.
5. Garantía provisional: 2% do orzamento máximo de licitación do lote/s ós que se concorra.
6. Clasificación: non se esixe.
7. Obtención de documentación e información.
a) Entidade: Instituto Galego de Promoción Económica (Igape).
b) Domicilio: Barrio de San Lázaro, s/n.
c) Localidade e código postal: Santiago de Compostela, 15703 A Coruña.
d) Teléfono: 981 54 11 01.
e) Telefax: 981 54 10 92.
f) Data límite de obtención de documentos e información: coincide coa data límite de presentación de ofertas.
8. Presentación das ofertas.
a) Data límite de presentación: o prazo de admisión finalizará ás catorce horas do décimo quinto día natural seguinte ó da publicación do anuncio de concurso no Diario Oficial de Galicia. De coincidir en sábado ou domingo o prazo entenderase prorrogado ata as catorce horas do seguinte día hábil.
b) Documentación que hai que presentar: a indicada no prego de cláusulas administrativas particulares.
c) Lugar de presentación: en sobre pechado e sellado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciándolle ó órgano de contratación a remisión da oferta mediante telex ou telegrama, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de correos.
d) Prazo durante o cal o licitador estará obrigado a mante-la súa oferta: tres meses desde a apertura das ofertas.
9. Variantes: admítense variantes sobre programas docentes, metodoloxía didáctica, duración dos programas e melloras técnicas propostas.
10. Apertura das ofertas: en acto público ás 12 horas do quinto día hábil seguinte ó termo do prazo de presentación de ofertas procederase á apertura da documentación administrativa e técnica. En acto público ás 12 horas do décimo día hábil seguinte ó termo do prazo de presentación de ofertas procederase á apertura das ofertas económicas. Na sede do Instituto Galego de Promoción Económica en Santiago de Compostela.
11. Gastos de anuncios: os gastos dos anuncios serán por conta dos adxudicatarios.
Santiago de Compostela, 22 de xuño de 2000.
Margarita Rodríguez Rama
Directora xeral do Instituto Galego
de Promoción Económica