O Concello Pleno, en sesión do día 27 de xaneiro de 2000, adoptou o seguinte acordo:

Aprobar definitivamente o Plan parcial do parque empresarial de Muimenta, presentado por Xestur-Lugo, S.A., e redactado polo enxeñeiro de camiños José Enrique Cacicedo Herrero. recóllense no plan parcial as observacións formuladas no informe previo do delegado da CPTOP ó que se fai referencia.

O que se publica significando que contra o anterior acordo cabe interpor recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do seguinte ó da publicación no DOG aínda que previamente e con carácter potestativo cabe interpor recurso de reposición perante o propio órgano que dictou o acordo no prazo dun mes. Neste caso, contra a desestimación do recurso de reposición o prazo para interpo-lo contencioso-administrativo será de dous meses contados a partir do día seguinte ó da notificación ou, noutro caso, o de seis meses contados a partir da desestimación presunta que se entenderá producida polo transcurso dun mes desde a interposición do recurso de reposición.

En Cospeito o 13 de xuño de 2000.

Armando Castosa Alvariño

Alcalde