Aprobado inicialmente por resolución do alcalde do 12 de xuño de 2000, o estudio de detalle para a fixación de aliñacións e rasantes dun camiño, hoxe convertido na rúa Río Mera desta vila, redactado polo Estudio Técnico Galego, S.A., a través do arquitecto Isidro López Yáñez, con data de maio de 2000, por iniciativa do alcalde.
Sométese a información pública polo prazo dun mes, contado a partir do día seguinte ó da publicación deste anuncio no Diario Oficial de Galicia, no BOP, e no xornal diario El Correo Gallego, para que poida ser examinado por calquera persoa e formula-las alegacións que consideren procedentes, de conformidade co previsto no artigo 140 do Regulamento de planeamento urbanístico.
O anuncio servirá tamén de notificación (nos termos do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común) para tódolos propietarios e demais interesados directamente afectados, comprendidos no ámbito territorial do estudio de detalle que, por resultaren descoñecidos ou por ignorarse o seu enderezo, non poidan ser notificados persoalmente.
Arzúa, 13 de xuño de 2000.
Manuel Moscoso López
Alcalde