A) Asistencia técnica.
Asistencia técnica para a contratación da realización dos traballos de estudios de leitos, determinación da súa perigosidade fronte á posta en marcha de turbinas.
Clave: OH.088.159/AT.
Orzamento: dezanove millóns cincocentas doce mil duascentas trinta pesetas (19.512.230 ptas., equivalentes a 117.270,864 euros).
Prazo de execución: 14 meses.
Clasificación: non se esixe.
Requisitos específicos do contratista: os licitadores deberán presentar para os efectos de acredita-la súa solvencia económica e financeira, os documentos citados no artigo 16 da Lei 13/1995, letra a) e a súa solvencia técnica ou profesional mediante os documentos citados no artigo 19, letras a) e b) da mesma lei.
De posuí-lo licitador a clasificación do grupo I, subgrupo 1, categoría A, será eximido da presentación da solvencia económica e financeira e da solvencia técnica ou profesional.
Fianza provisional: trescentas noventa mil duascentas corenta e cinco pesetas (390.245 ptas., equivalentes a 2.345,420 euros).
B) Documentos de interese para os licitadores.
Os pregos de cláusulas administrativas particulares, así como os pregos de prescricións técnicas, estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, no organismo autónomo Augas de Galicia-Consellería de Política Territorial, Obras Públicas e Vivenda-, edificios administrativos de San Caetano, Santiago de Compostela.
C) Garantías que se lles esixen ós licitadores.
Esixirase a fianza provisional indicada na letra A) anterior e unha fianza definitiva equivalente ó catro por cento (4%) do orzamento base de licitación.
As devanditas fianzas poderán ser presentadas na modalidade e polas persoas ou entidades que especifica a lexislación española vixente.
D) Modelo de proposición.
Proposición económica formulada estrictamente conforme o modelo que se achega ó prego de cláusulas administrativas particulares.
E) Prazo e lugar para a presentación de proposicións.
As proposicións deberán presentarse en sobre pechado no rexistro xeral da Consellería de Política Territorial, Obras Públicas e Vivenda ou enviarse por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións terminará ás doce horas do dia trinta e un (31) de agosto de 2000.
F) Admisión de variantes.
Os licitadores poden presentar, se o consideran conveniente, unha variante ou alternativa de acordo co indicado no prego de prescricións técnicas (artigo 6 do dito prego).
G) Apertura das proposicións.
A apertura das proposicions será realizada pola mesa de contratación, na sala de xuntas da Consellería de Política Territorial, Obras Públicas e Vivenda, ás dez horas do día trece (13) de setembro de 2000.
A mesa de contratación comprobará en acto previo a documentación xeral (sobre nº 1), segundo se especifica no punto 2.2.6. Constitución e funcionamento da mesa, do prego de cláusulas administrativas particulares.
H) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta dos adxudicatarios.
Santiago de Compostela, 28 de xuño de 2000.
Agustín Hernández Fernández de Rojas
Presidente do organismo autónomo Augas de Galicia