Publicada a Resolución do 30 de maio de 2000 (DOG nº 111, do 8 de xuño) relativa á publicación das listas para a cobertura, con carácter temporal, mediante o nomeamento de persoal interino, de postos de traballo reservados a funcionarios, reguladas no Decreto 89/1997, do 10 de abril, e correspondentes ó corpo superior de Administración da Xunta de Galicia (grupo A), escala superior de estatísticos, e unha vez rematado o prazo previsto no punto terceiro da citada resolución, constatada a existencia de alegacións ás listas publicadas por parte da Comisión Permanente de Selección de Persoal para a cobertura de postos de traballo reservados a funcionarios, na súa sesión que tivo lugar o 23 de xuño de 2000, unha vez elevada a correspondente proposta, esta dirección xeral
RESOLVE:
Primeiro.-Facer públicas, unha vez constatada a inexistencia de alegacións ás listas publicadas con data do 8 de xuño de 2000, as listas para a cobertura con carácter temporal para o nomeamento de persoal interino de postos de traballo reservados a funcionarios, correspondentes ó corpo superior de Administración da Xunta de Galicia (grupo A), escala superior de estatísticos, listas A1 e A2, da forma que a continuación se indica:
Anexo I: figuran os solicitantes incluídos nas listas.
Anexo II: figuran os solicitantes excluídos con expresión da causa de exclusión.
Segundo.-Os citados anexos atópanse expostos nos taboleiros de anuncios da Consellería da Presidencia e Administración Pública e nos das súas delegacións
provinciais, no da Delegación Territorial da Consellería de Pesca, Marisqueo e Acuicultura en Vigo e nas oficinas comarcais da Xunta de Galicia.
Terceiro.-As listas entrarán en vigor a partir do día seguinte ó da publicación desta resolución no Diario Oficial de Galicia.
Para os efectos de información o teléfono de contacto é o 902 12 00 12 en horarios das 9 ás 19 horas de luns a venres e das 9 ás 14 horas os sábados.
Cuarto.-Contra esta resolución poderán os interesados interpoñer recurso de alzada perante o conselleiro da Presidencia e Administración Pública no prazo dun mes a partir da publicación desta resolución no Diario Oficial de Galicia.
Santiago de Compostela, 23 de xuño de 2000.
Joaquín López-Rúa Soler
Director xeral da Función Pública