Finalizado o prazo fixado na Resolución do 19 de abril de 2000 (DOG nº 84, do 3 de maio), pola que se fan públicas as listas provisionais para a cobertura con carácter temporal de postos de traballo correspondentes á categoría 005 (profesor/a titular e outros) do grupo II (lista B) e vistas pola Comisión Permanente de Selección de Persoal Laboral, na súa sesión do día 14 de xuño de 2000, as alegacións formuladas polos interesados, esta dirección xeral

RESOLVE:

Primeiro.-Facer público como anexo I a esta resolución a relación de aspirantes que foron excluídos nas listas provisionais, que emendaron a causa de exclusión en tempo e forma. De conformidade co disposto no artigo 4.3º do Decreto 89/1997, do 10 de abril, e na base 2ª da Resolución do 30 de xuño de 1999, a Comisión Permanente de Selección de Persoal Laboral establece o número máximo de aspirantes admitidos naqueles que teñan unha puntuación igual ou superior a 2 puntos.

Segundo.-Facer público como anexo II a esta resolución a relación de aspirantes que de acordo coa do 19 de abril de 2000 pola que se fai pública a lista provisional foron non-admitidos na lista provisional e unha vez vista a súa alegación superaron a dita puntuación.

Terceiro.-Os solicitantes relacionados nos anexos I e II que superaron a puntuación de 2 puntos estarán obrigados, no prazo de 5 días hábiles (artigo 50 da Lei 30/1992, do 26 de novembro), contados a partir do día seguinte ó da publicación desta resolución no Diario Oficial de Galicia, a remitirlle á Dirección Xeral da Función Pública o xustificante do aboamento das taxas que a continuación se expresa.

-Grupo II: 6.580 ptas.

Os que así non o fixesen no prazo indicado serán excluídos automaticamente das listas.

Estarán exentos do aboamento de taxas por dereito de inscrición os que foron admitidos no último proceso selectivo para o acceso á mesma categoría, de acordo coa base terceira da resolución da Dirección Xeral da Función Pública do 30 de xuño de 1999, e corrección de erros do 13 de outubro de 1999.

Así mesmo, gozarán da exención desta taxa as persoas con discapacidade igual ou superior ó 33%, logo de xustificación documental.

Os que non o fixesen así no prazo sinalado serán excluídos automaticamente das listas.

Os interesados disporán dun prazo de cinco días hábiles (artigo 50 da Lei 30/1992, do 26 de novembro), contados a partir do día seguinte ó da publicación desta resolución no DOG, para a emenda de erros que puidesen existir na puntuación relacionada no anexo ou formula-las alegacións que consideren oportunas, que deberán dirixir á Comisión Permanente de Selección de Persoal Laboral (Dirección Xeral da Función Pública).

Santiago de Compostela, 16 de xuño de 2000.

Joaquín López-Rúa Soler

Director xeral da Función Pública

ANEXO I

GRUPO II-CATEGORÍA 005.

ANEXO II

GRUPO II-CATEGORÍA 005.