Por Resolución do Valedor do Pobo do 28 de xaneiro de 2000 (DOG nº 29, do 11 de febreiro) convócanse e apróbanse as bases que rexen a convocatoria de dúas bolsas de estudios para a realización de traballos sobre a defensa dos dereitos humanos e liberdades públicas.

Polo anterior, e de acordo co establecido nas bases da convocatoria, atendendo á proposta da comisión de selección, prevista na base oitava,

RESOLVO:

1. Facer pública a relación de candidatos por orde de puntuación, que figura como aanexo a esta resolución.

2. Adxudica-las dúas bolsas convocadas a Mónica Siota Álvarez e Susana Blanco Miguélez, de acordo coa orde de puntuación que figura no anexo desta resolución. De acordo co establecido na base oitava da convocatoria, as adxudicatarias deberán formaliza-lo outorgamento das bolsas nun prazo de dez días. En caso contrario consideraranse desistidas da súa solicitude.

3. O incumprimento por parte dos adxudicatarios do establecido nas bases publicadas establecidas na Resolución do 28 de xaneiro suporá a perda do dereito ó desfrute da bolsa.

4. Contra esta resolución, que esgota a vía administrativa, poderá interpoñerse potestativamente recurso de reposición perante o Valedor do Pobo, no prazo dun mes contado a partir do día seguinte ó da súa publicación, ou recurso contencioso administrativo perante o Tribunal Superior Xustiza de Galicia, no prazo de dous meses contados a partir do día seguinte ó da publicación.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 23 de xuño de 2000.

José Cora Rodríguez

Valedor do Pobo

ANEXO

Relación de candidatos por orde de puntuación