O Consello da Xerencia Municipal de Urbanismo, en sesión do día 18 de maio de 2000, acordou aprobar definitivamente o proxecto de urbanización do núcleo 01.02 Carregal C, na parroquia de Alcabre, presentado pola entidade Vicousa S.A e redactado polo arquitecto Enrique Rodríguez Alfaro con visado do COAG do 18 de xaneiro de 2000.

De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Contra o devandito acordo que pon fin á vía administrativa, poderá interpoñerse un dos seguintes recursos:

A. Recurso potestativo de reposición ante o Pleno do Concello de Vigo no prazo dun mes contado do día seguinte ó de publicación deste anuncio.

B. Recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó de publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.

Non obstante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo máximo dun mes para dictar e notifica-la resolución.

C. Calquera outro recurso que considere oportuno interpoñer e sexa procedente.

Vigo, 2 de xuño de 2000.

Lois Pérez Castrillo

Alcalde, presidente da Xerencia Municipal

de Urbanismo