De conformidade coa proposta elevada pola comisión designada para xulga-lo concurso convocado por resolución desta universidade do 30 de xullo de 1999 (BOE do 25 de agosto), para a provisión da praza número 99/026, de catedrático de escola universitaria da área de coñecemento de construccións navais, departamento de Construccións Navais desta universidade, a favor de Primitivo González López, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Primitivo González López catedrático de escola universitaria da área de coñecemento de construccións navais, do departamento de Construccións Navais desta universidade.
A Coruña, 16 de maio de 2000.
José Luis Meilán Gil
Rector da Universidade da Coruña