Dentro do plan de actividades da Escola Galega de Administración Pública para 2000 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre as facendas territoriais ante os procedementos tributarios e ante o proceso de descentralización, convocatoria que se desenvolverá conforme as seguintes bases:

1. Obxectivos.

O contido destas xornadas sitúase arredor dunha dobre orde de problemas actuais das facendas autonómica e local:

a) Os de natureza procedemental: seleccionáronse unha serie de cuestións onde están localizadas as maiores disfuncións administrativas na tramitación e resolución dos procedementos de xestión e inspección tributarias.

O obxectivo último é, obviamente, mellora-lo resultado do lado «adxectivo» da facenda pública.

b) Aqueles que conectan coa fase do proceso de corresponsabilización fiscal que viven hoxe tanto a Comunidade Autónoma de Galicia como as corporacións locais galegas: en dous relatorios analizaranse tanto a potestade tributaria local na actualidade como posibles novas etapas no camiño da corresponsabilidade fiscal que percorre hoxe a Comunidade Autónoma galega.

Non parece necesario subliña-lo obxectivo desta parte das xornadas: trátase de centrar xuridicamente o tema da descentralización fiscal, incorporando

novas ideas para avanzar no camiño da corresponsabilidade fiscal e, en último termo, da mellora financeira das nosas facendas territoriais.

2. Contido.

Trataranse estes temas:

-A autonomía local na xurisprudencia constitucional.

-As actuacións de comprobación tributaria por parte das administracións territoriais.

-O procedemento tributario sancionador nas facendas territoriais.

-Información e asistencia ó contribuínte. Comunicacións e consultas. Acordos previos de valoración/s de bens.

-Novas etapas no camiño da corresponsabilidade fiscal.

-Obtención e utilización da información tributaria por parte das administracións públicas.

3. Destinatarios.

Persoal ó servicio da Xunta de Galicia e da Administración local galega e interesados en xeral.

4. Desenvolvemento.

-Horario: mañá e tarde.

-Lugar e datas: as xornadas convocadas desenvolveranse no salón de actos da EGAP (polígono das Fontiñas, rúa de Madrid, 2-4, Santiago de Compostela) os días 26 e 27 de xuño de 2000.

5. Inscrición.

-Prazo: remata o xoves, día 22 de xuño de 2000.

-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.

-Número de prazas: limitado á capacidade do local.

-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión chamando por teléfono, o día 23 de xuño, das 10 ás 14.45 horas, ós seguintes números: 981 54 62 39/44 ou 981 54 60 40.

6. Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de

cancelalas, se o escaso número de solicitudes non xustificase a súa realización.

7. Certificación de asistencia.

Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.

8. Retransmisión por Internet.

As persoas interesadas en segui-lo desenvolvemento destas xornadas por Internet poden facelo a través do seguinte enderezo: www.egap.xunta.es.

Santiago de Compostela, 31 de maio de 2000.

Domingo Bello Janeiro

Director da Esgola Galega de Administración

Pública