Con motivo da viaxe do presidente da Xunta de Galicia a Bolivia e Chile é necesario prove-la substitución durante o tempo da súa ausencia.
Polo tanto, en uso das atribucións que me confire o artigo 26.7º da Lei 1/1983, do 21 de febreiro, reguladora da Xunta e do seu presidente,
DISPOÑO:
Artigo único.-Durante a ausencia do presidente da Xunta de Galicia, con motivo da súa viaxe a Bolivia e Chile, encárgaselle o despacho de asuntos da Presidencia, desde o 8 de xuño ata o seu regreso, ó conselleiro da Presidencia e Administración Pública.
Santiago de Compostela, sete de xuño de dous mil.
Manuel Fraga Iribarne
Presidente