Por medio desta cédula, e en cumprimento do disposto no artigo 59 da Lei 30/1992, do 26 de novem

bro, modificado pola Lei 4/1999, do 13 de xaneiro, de réxime xurídico das administracións públicas e do procedemento administrativo común, notifícaselles ós interesados, cos datos e último enderezo coñecido sinalado no anexo, a resolución do conselleiro de Sanidade e Servicios Sociais do 28 de febreiro de 2000, que de seguido se reproduce:

«Vistas as solicitudes de suspensión da execución formuladas nos recursos de alzada interpostos por distintos interesados, contra a resolución do secretario xeral da Consellería de Sanidade e Servicios Sociais do 16 de decembro de 1999, pola que se fai pública a lista definitiva de adxudicatarios, puntuacións e oficinas de farmacia adxudicadas no concurso público convocado por Resolución do 20 de xaneiro de 1998, e de acordo cos seguintes feitos:

Primeiro.-Con data do 16 de xuño de 1997, o secretario xeral da Consellería de Sanidade e Servicios Sociais dictou resolución, pola que autorizaba a instalación de corenta novas oficinas de farmacia en distintos concellos de Galicia.

Segundo.-Con data do 20 de xaneiro de 1998 (DOG nº 20, do 30 de xaneiro), o secretario xeral da Consellería de Sanidade e Servicios Sociais dicta nova resolución pola que se convoca concurso público para a adxudicación das novas oficinas de farmacia.

Terceiro.-Con data do 26 de xullo de 1999, publicouse no Diario Oficial de Galicia o anuncio do 16 de xullo de 1999, da Secretaría Xeral da Consellería de Sanidade e Servicios Sociais, polo que se fai pública a lista provisional de adxudicatarios e as puntuacións obtidas polos participantes no concurso público para a adxudicación de novas oficinas de farmacia.

Cuarto.-O 16 de decembro de 1999 o secretario xeral da Consellería de Sanidade e Servicios Sociais dicta resolución (DOG nº 5, do 10 de xaneiro) pola que se fai pública a lista definitiva de adxudicatarios, puntuacións e oficinas de farmacia adxudicadas no concurso público convocado pola Resolución do 20 de xaneiro de 1998.

Quinto.-Contra a anterior resolución interpuxéronse diversos recursos de alzada nos que se solicitaba a suspensión da execución da resolución impugnada.

Fundamentos de dereito:

Primeiro.-O conselleiro de Sanidade e Servicios Sociais é o órgano competente para resolve-las pretensións formuladas nos recursos administrativos promovidos contra as resolucións dos organismos e autoridades da consellería conforme o disposto no artigo 34.7º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro.

Segundo.-No procedemento en cuestión observáronse os preceptos procedementais contidos no título VI da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola

Lei 4/1999, así como o disposto no Decreto 288/1996, do 12 de xullo, sobre competencias e procedemento para a autorización de apertura de oficinas de farmacia e na Orde do 4 de novembro de 1996, pola que se establece o baremo para a autorización de novas oficinas de farmacia, modificada pola Orde do 6 de outubro de 1997 (DOG nº 205, do 23 de outubro) e pola Orde do 18 de decembro de 1997 (DOG nº 8, do 14 de xaneiro de 1998).

Terceiro.-Polo que respecta á solicitude de suspensión hai que indicar que no presente caso os recorrentes non acreditaron as circunstancias, que para acorda-la suspensión, esixe o artigo 111.2º, da Lei 30/1992, modificada pola Lei 4/1999, de réxime xurídico das administracións públicas e do procedemento administrativo común, isto é : «prexuízos de imposible reparación» ou «algunha das causas de nulidade do artigo 62.1º».

Así mesmo, é necesario indicar que é doutrina reiterada do Tribunal Supremo (Auto do 12-4-1999, Sala do Contencioso-Administrativo, sección 7ª) que «a suspensión da execución dos actos administrativos como medida cautelar que se adoptará durante a tramitación do proceso no que se impugnan, supón sempre ter en conta a intensidade coa que o interese público reclama a inmediata execución fronte ó interese particular do recorrente de dilata-la referida execución ata que o seu litixio fose definitivamente resolto».

No presente caso hai que dicir que a prevalencia do interese xeneral de axeitada atención farmacéutica que supón a apertura das novas oficinas de farmacia e como ten dito o Tribunal Supremo (Auto do 12-6-1992, Sala do Contencioso-Administrativo, sección 4ª) «o elemento preferente do beneficio do interese público que por definición existe en toda apertura de farmacia nova», obriga a non acorda-la suspensión solicitada.

O anterior argumento vén especialmente reforzado ante a consideración de que non se trata dunha única oficina de farmacia senón de 40.

Na súa virtude,

RESOLVO:

Non acorda-la suspensión da citada resolución do secretario xeral da Consellería de Sanidade e Servicios Sociais do 16 de decembro de 1999.

Contra a presente resolución, que pon fin á vía administrativa de acordo co artigo 109 da Lei 30/1992, do 26 de novembro, de réxime xurídico das administracións públicas e do procedemento administrativo común, poderase interpor, no seu momento, recurso contencioso-administrativo ante a sala do contencioso-administrativo do Tribunal Superior de Xustiza de Galicia, segundo o disposto no artigo 10 da Lei 29/1998, do 13 de xullo, reguladora da xurisdicción contencioso-administrativa e no artigo 91 da Lei 6/1985, do 1 de xullo, do poder

xudicial, no prazo de dous meses. Santiago de Compostela, 28 de febreiro de 2000».

Para que conste e lles sirva de notificación ós interesados, en cumprimento do disposto no devandito artigo 59 da Lei 30/1992, asino e selo esta cédula en Santiago de Compostela, 22 de maio de 2000.

Manuel Antonio Silva Romero

Secretario xeral da Consellería de Sanidade

e Servicios Sociais

ANEXO