Publicada a Resolución do 19 de abril de 2000 (DOG nº 78, do 24 de abril) relativa á publicación das listas para a cobertura, con carácter temporal, mediante o nomeamento de persoal interino, de postos de traballo reservados a funcionarios, reguladas no Decreto 89/1997, do 10 de abril, e correspondentes ó corpo auxiliar da Xunta de Galicia (grupo D), e unha vez rematado o prazo previsto no punto terceiro da citada resolución, constatada a existencia dalgúns erros materiais nas listas publicadas por parte da comisión permanente de selección de per

soal para a cobertura de postos de traballo reservados a funcionarios na súa sesión do 15 de maio de 2000, unha vez elevada a correspondente proposta, esta dirección xeral

RESOLVE:

Primeiro.-Facer públicas, unha vez corrixidos os erros materiais constatados, as listas para a cobertura con carácter temporal para o nomeamento de persoal interino de postos de traballo reservados a funcionarios correspondentes ó corpo auxiliar da Xunta de Galicia (grupo D), listas A1 e A2, da forma que a continuación se indica:

Anexo I: figuran os solicitantes incluídos nas listas.

Anexo II: figuran os solicitantes excluídos nas listas.

Segundo.-Os citados anexos atópanse expostos nos taboleiros de anuncios da Consellería da Presidencia e Administración Pública e nos das súas delegacións provinciais, no da Delegación Territorial da Consellería de Pesca, Marisqueo e Acuicultura en Vigo e nas oficinas comarcais da Xunta de Galicia.

Terceiro.-As listas entrarán en vigor a partir do día seguinte ó da publicación da presente resolución no Diario Oficial de Galicia, quedando desde ese momento sen efecto as listas elaboradas con base na convocatoria do 28 de xaneiro de 1998 (DOG nº 28, do 11 de febreiro) correspondentes ó corpo auxiliar da Xunta de Galicia (grupo D), e derivadas do proceso selectivo convocado pola Orde do 30 de decembro de 1997 (DOG nº 12, do 20 de xaneiro de 1998), de conformidade co artigo 3 do Decreto 89/1997, do 10 de abril.

Para os efectos de información o teléfono de contacto é o 902 12 00 12, en horarios de 9 a 19 horas de luns a venres, e de 9 a 14 horas os sábados.

Cuarto.-Contra a presente resolución poderán os interesados interpoñer recurso de alzada perante o conselleiro da Presidencia e Administración Pública no prazo dun mes a partir da publicación da presente resolución no Diario Oficial de Galicia.

Santiago de Compostela, 18 de maio de 2000.

Joaquín López-Rúa Soler

Director xeral da Función Pública