De conformidade co disposto no artigo 59.4º da Lei 30/1992, do 28 de novembro, de réxime xurídico das administracións públicas e do procedemento administrativo común (BOE nº 285, do 27 de novembro) modificada pola Lei 4/1999, do 13 de xaneiro, notifícaselle á sociedade Granja Marina Nastos, S.L., con último enderezo coñecido en Porto do Son (A Coruña), lugar de Seráns, a apertura do expediente de caducidade do título habilitante da granxa mariña sita no lugar de Seráns, parroquia de Muro, concello de Porto do Son (A Coruña) por levar inactiva a súa explotación un tempo superior a dous anos, sendo esta causa de caducidade das recollidas no artigo 72, letra a) da Lei 6/1993, do 11 de maio (DOG do 31 de maio), así como por terse efectuado o seu aluguer a terceiras persoas, o que constitúe causa de caducidade segundo a letra i) do antedito artigo 72.
Así mesmo, comunícaselle que no dito expediente de caducidade actúa como instructor Fernando Fernández Paradela, xefe da Sección de Acuicultura, e como secretaria Elena Bazarra Ramos, xefa do Negociado de Acuicultura.
O suxeito a expediente dispón dun prazo de oito días a partir do seguinte ó da publicación desta cédula no DOG, para poder examina-lo expediente na Delegación Territorial da Coruña (r/ Ramón y Cajal nº 1-5ª planta-Casa do Mar) e presentar ante a citada delegación as alegacións que considere pertinentes.
A Coruña, 12 de abril de 2000.
María José Cancelo Baquero
Delegada territorial da Coruña