Visto o texto da revisión salarial do convenio colectivo para a empresa Residencia de Ancianos Nuestra Señora del Carmen (código 2700762), de Sarria, da provincia de Lugo, asinado o día 24 de marzo de 2000, pola representación da mentada empresa e a dos seus traballadores, e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegacion provincial,
ACORDA:
Primeiro.-Ordena-la inscrición da citada revisión no rexistro de convenios desta delegación, así como o seu depósito.
Segundo.-Remiti-lo texto da mentada revisión á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 10 de abril de 2000.
Manuel Teijeiro Álvarez
Delegado provincial de Lugo
Acta
Asistentes:
Pola empresa:
Martín Balboa Fdez. (34.143.277).
Victoria López Díaz (34.252.373).
Rosa Merino Conde (10.537.186).
Pola parte social:
Amalia Toirán Armesto (76.613.675).
Delegada sindical de CC.OO. (100%).
Manuel Fdez. Vicente (34.248.267).
Luis Anxo Fdez. Pena (33.832.404).
Asesores de CC.OO.
En Sarria, sendo as 17.30 horas do día 24 de marzo do ano 2000, xúntanse nos locais da Residencia de Ancianos Nuestra Señora del Carmen de Sarria as persoas indicadas na marxe, integrandes todas elas da mesa de negociación para a revisión salarial do presente ano que se recolle no artigo 2 do vixente convenio colectivo para o persoal da Residencia de Ancianos Nuestra Señora del Carmen de Sarria, e despois de amplas deliberacións adóptanse os seguintes acordos:
Primeiro.-Aplica-la cláusula de revisión, tendo en conta que a suba salarial que se asinou para o ano 1999 foi do 2,25% e que IPC do ano 1999 foi dun
2,9%, producíndose polo tanto unha diferencia do 0,65%, que terá carácter consolidable e se recuperará desde o 1 de xaneiro de 1999.
Segundo.-Aplicar unha suba salarial, sobre tódolos conceptos retributivos do persoal, na contía do 2,6%, co cal as táboas salariais para o ano 2000 do convenio colectivo para o persoal da Residencia de Ancianos Nuestra Señora do Carmen de Sarria son as que se indican na folla anexa á presente acta.
Terceiro.-Acórdase finalmente, remiti-la presente acta e táboas salariais para 2000 á autoridade laboral competente para os efectos legais oportunos.
E non tendo máis asuntos que tratar levántase a sesión, sendo as 18.30 horas da data indicada ó comezo.
Pola empresa:
Martín Balboa Fernández.
Rosa Merino Conde.
Victoria López Díaz.
Por CC.OO.:
Amalia Toirán Armesto.
Manuel Fernández Vicente.
Luis Anxo Fernández Pena.
ANEXO
Residencia de Ancianos Nuestra Señora del Carmen
de Sarria
Táboas salariais para o ano 2000
base
Categorías Salario
Complemento de asistencia Complemento de domingos e festivos
Auxiliar de clínica 97.962 11.602 5.915
Cociñeira 97.962 11.602 5.915
Axudante de cociña 91.975 11.602 5.915
Camareira-limpadora 91.975 11.602 5.915
Oficios varios 91.975 11.602 5.915