Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa.
Domicilio social: Avda. de Arteixo, 171, 15000 A Coruña.
Denominación: L.M.T., C.T. e R.B.T. Urb. Los Girasoles.
Situación: Bergondo.
Descricións técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3(1x240) mm Al, de 20 m de lonxitude, con orixe na liña que alimenta o C.T. Guísamo desde o C.T. Vilar, na liña L-2 da subestación de San Marcos, e final no C.T. que se vai instalar na urbanización Los Girasoles. Centro de transformación, en caseta prefabricada de 400 kVA e tensións de 15/0,380-0,220 kV, na urbanización Los Girasoles, do que parte rede subterránea, de 682 m de lonxitude, en conductor R.V., que se axusta mediante tramo aéreo de 35 m en conductor R.Z. á rede existente na zona. Bergondo.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria
e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.
A Coruña, 17 de abril de 2000.
Jesús Espada Martínez
Delegado provincial da Coruña