En cumprimento do disposto no Decreto 442/1990, do 13 de setembro, de avaliación de impacto ambiental para Galicia, Decreto 327/1991, do 4 de outubro, de avaliación de efectos ambientais para Galicia, os decretos 2617/1966 sobre autorización de instalacións eléctricas, 2619/1966 sobre expropiación forzosa e sancións en materia de instalacións eléctricas, artigos 53 e 54 da Lei 54/1997, do 27 de novembro, do sector eléctrico, artigo 25 da Lei 10/1995, de ordenación do territorio de Galicia, e Decreto 205/1995 polo que se regula o aproveitamento da enerxía eléctrica eólica na Comunidade Autónoma de Galicia, sométense a información pública, a solicitude da empresa Made Energías Renovables, S.A., as instalacións que a continuación se describen:

Obxecto de información pública:

-Estudio ambiental.

-Autorización administrativa, declaración de utilidade pública e aprobación do proxecto de execución e proxecto sectorial das instalacións que comprende o proxecto Parque Eólico de Escoiras.

A declaración de utilidade pública levará implícita, de acordo co artigo 54 da Lei 54/1997, do 27 de novembro, do sector eléctrico, a necesidade de urxente ocupación para os efectos de expropiación forzosa, dos bens e dereitos afectados necesarios para o establecemento destas instalacións.

Peticionario: Made Energías Renovables, S.A. Castiñeiriño, 12-3º, 15702 Santiago de Compostela.

Situación: concellos de Muras (Lugo) e O Valadouro (Lugo).

Localización (coordenadas poligonais en unidades UTM):

V (615.026,842, 4.818.035,263), V (616.300, 4.816.700).

V (616.300, 4.815.200), V (614.043,423, 4.816.990,545).

V (614.626,842, 4.816.990,545), V (614.626,842, 4.817.290,545).

V (615.026,842, 4.817.290,545).

Características técnicas do parque eólico:

-Nº de aeroxeradores: 26.

-Potencia nominal unitaria: 660 kW.

-Potencia total instalada: 17,16 mW.

-Tipo de aeroxerador: Made AE-46/I.

-Producción neta anual estimada: 48.891 MWh/ano.

-Orzamento total: 1.992.357.923 pesetas.

Características técnicas da infraestructura eléctrica de xeración, transformación e interconexión:

-26 aeroxeradores tipo Made AE-46/I, de 660 kW de potencia nominal unitaria.

-26 centros de transformación de 700 kVA de potencia unitaria e relación de transformación 0,69/30 kV, instalados unitariamente en interior de torre de aeroxerador coa súa correspondente paramenta de seccionamento, manobra e protección.

-Liñas de media tensión subterráneas para evacuación de enerxía a 30 kV, de interconexión entre centros de transformación e centro de interconexión 30 kV.

-Centro de interconexión 30 kV para evaluación de enerxía producida no Parque Eólico de Escoiras e conexión futura coa subestación transformadora 30/132 kV do veciño Parque Eólico de Pena Grande, composto por un transformador para servicios auxiliares e os correspondentes equipos de control, seccionamento, manobra, medida e protección.

Afección a predios particulares:

As afeccións denominadas, zapatas, subestación e plataforma implican a expropiación de pleno dominio dos terreos afectados.

As afeccións denominadas vías e gabias implican a imposición de servidume de paso coas seguintes limitacións permanentes:

-Dereito de libre paso ó acceso do persoal e equipamentos para a construcción, montaxe, supervisión, vixilancia e conservación ou reparación das instalacións.

-Servidume de paso subterráneo que abrangue a ocupación do subsolo polas liñas eléctricas soterradas aloxadas nas gabias.

-Prohibición de efectuar remoción do terreo, ou calquera outro tipo de obras ou actos que poidan danar ou prexudica-los camiños ou instalacións.

As afeccións denominadas protección eólica e voo, a área que se vai expropiar será en réxime de servidume e implica a seguinte limitación de dominio: construcción de edificacións, plantacións vexetais en altura ou calquera outro tipo de actividade que puidera ter unha afección negativa sobre a producción do parque.

O que se fai público para coñecemento xeral e dos propietarios dos predios e demais titulares afectados que non chegaron a un acordo coa entidade solicitante, e que figuran na relación que se insire como anexo deste anuncio, así como as persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo proxecto e presenta-las obxeccións ou alegacións que consideren oportunas nesta delegación provincial sita no edificio administrativo Ronda da Muralla, 70 (27071, Lugo), no prazo de 30 días, contados a partir da última publicación deste anuncio.

Así mesmo, o estudio ambiental correspondente ás instalacións do Parque Eólico de Escoiras poderase examinar nas dependencias da Dirección Xeral de Industria, Dirección Xeral de Calidade e Avaliación Ambiental, Delegación Provincial da Consellería de Industria e Comercio de Lugo, Delegación Provincial da Consellería de Medio Ambiente en Lugo, e concellos de Muras e O Valadouro, podendo presentarse cantas alegacións se consideren pertinentes ante esta Delegación Provincial da Consellería de Industria e Comercio de Lugo, dentro do mesmo prazo sinalado no parágrafo anterior. Finalizado o devandito prazo, o expediente, xunto coas

alegacións recibidas, remitiranse á Dirección Xeral de Calidade e Avaliación Ambiental.

É de facer constar que esta publicación se realizará igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar ou o medio de notificación, ou ben, intentada a notificación, non se puidese realizar.

Lugo, 27 de abril de 2000.

Jesús Bendaña Suárez

Delegado provincial de Lugo

Relación de propietarios

Obra: parque eólico Escoiras.

Concello: O Valadouro.

Obra: parque eólico Escoiras.

Concello: Muras.