A Delegación Provincial da Consellería de Agricultura, Gandería e Política Agroalimentaria de Ourense resolve convoca-la seguinte licitación de alleamento de material de bodega polo sistema de poxa, procedemento aberto:
1. Obxecto: alleamento de bens mobles constituíntes da bodega vinícola da Estación de Viticultura e Enoloxía de Galicia (Evega) en Leiro, (Ourense), que figuran na relación, de acordo coas bases e os pregos aprobados para iso.
Os orzamentos sinálanse na relación de bens.
2. Fianza provisional: 2% do prezo taxación ou saída da licitación.
3. Exposición de documentos de interese para os licitadores: o prego de cláusulas administrativas particulares, como tamén os pregos particulares de condicións técnicas que se relacionan, estarán á disposición dos licitadores para o seu exame, durante o prazo de presentación de proposicións, das 9 horas ás 14 horas, na Secretaría Provincial da Delegación Provincial da Consellería de Agricultura, Gandería e Política Agroalimentaria de Ourense, rúa Florentino L. Cuevillas, 4-6, baixo.
4. Prazo de presentación de proposicións: comezará o día seguinte ó da publicación deste anuncio e rematará ás 14 horas do vixésimo sexto día seguinte ó da publicación, que non cadre a sábado.
5. Lugar de presentación de proposicións: no rexistro da delegación provincial, no lugar antes citado, ou en calquera das formas legalmente establecidas.
6. Documentación que deberán presenta-los licitadores: a que se sinala nos pregos de cláusulas administrativas particulares.
7. Apertura de proposicións: ás 11 horas do décimo primeiro día hábil seguinte ó do remate do prazo de presentación de proposicións, que non cadre a sábado, na Sala de Xuntas da Estación de Viticultura e Enoloxía (Evega) en Leiro, (Ourense).
8. Gastos de publicación: o custo destes anuncios será rateado entre os adxudicatarios.
9. Relación lotes:
-Lotes do 1 ó 12:
12 Depósitos Inox. de 1.000 litros.
Orzamento: 95.000 pesetas unidade.
-Lotes do 13 ó 15:
3 Depósitos Inox. de 1.000 litros.
Orzamento: 54.000 pesetas unidade.
-Lotes do 16 ó 23:
8 Depósitos Inox. de 1.200 litros.
Orzamento: 112.000 pesetas unidade.
-Lotes do 24 ó 29:
6 Depósitos Inox. de 1.500 litros.
Orzamento: 132.000 pesetas unidade.
-Lotes do 30 ó 32:
3 Depósitos Inox. de 3.000 litros.
Orzamento: 155.000 pesetas unidade.
-Lotes do 33 ó 34:
2 Depósitos Inox. isotermos de 2.000 litros.
Orzamento: 197.000 pesetas unidade.
-Lotes do 35 ó 37:
3 Depósitos Inox. de 6.000 litros.
Orzamento: 277.000 pesetas unidade.
-Lote 38:
1 Presa VASLIN de pratos.
Orzamento: 630.000 pesetas unidade.
-Lote 39:
1 Embotelladora.
Orzamento: 262.500 pesetas unidade.
Ourense, 12 de abril de 2000.
José Manuel Baltar Blanco
Delegado provincial de Ourense