Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Electra del Jallas, S.A.
Domicilio social: praza da Constitución, 17, 15000 Cee.
Denominación: L.M.T., C.T., R.B.T. Freixeiro-Seavia.
Situación: Coristanco.
Descricións técnicas: liñas eléctricas aéreas de media tensión, a 20 kV, sobre apoios de formigón e con conductor LA-56: de 899 m de lonxitude, con orixe na liña que alimenta o C.T. Seavia (expediente 6194) e final no C.T. Segufe, que se vai instalar. De 430 m de lonxitude, con orixe na liña que alimenta o C.T. Seavia (expediente 6194) e final no C.T. Buxán, que se vai instalar. Centros de transformación, tipo intemperie, de 50 kVA e tensións de 20/0,380-0,220 kV, de Segufe a Buxán. Liñas eléctrivas de baixa tensión a 380/220 V, sobre apoios de formigón e con conductor R.Z.: de 100 m de lonxitude, con orixe no C.T. Segufe, que enlaza coa rede existente sobre apoios de formigón. De 310 m de lonxitude con orixe no C.T. Buxán enlazando coa rede existente no lugar. Coristanco.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
A Coruña, 27 de marzo de 2000.
Jesús Espada Martínez
Delegado provincial da Coruña
