De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro) e decretos 2617 e 2619/1966, do 20 de outubro (BOE do 24 de outubro) sobre instalacións eléctricas, de aplicación transitoria, incóase o expediente e sométese a información pública a solicitude de Barras Eléctricas Galaico-Asturianas, S.A. con domicilio en Cidade de Viveiro 4, Lugo, como entidade beneficiaria, para a declaración de utilidade pública, en concreto, que levará implícita a urxente ocupación, para os efectos de expropiación forzosa e imposición das servidumes de paso sobre os bens e dereitos que afecten o proxecto das seguintes instalacións aprobadas e autorizadas administrativamente por resolución da Dirección Xeral de Industria do 8 de novembro de 1999.

Características técnicas principais da subestación Vilalba II:

-Dúas posicións de liña de 132 kV para entrada e saída Mondoñedo-Vilalba II, equipadas con seccionador de liña, interruptor automático, seccionador de barras, transformadores de medida e elementos de protección, medida e telecontrol.

-Unha posición de liña de 132 kV para entrada de liña de parques eólicos promovidos por Desarrollos Eólicos, S.A. equipada con seccionador de liña, interruptor automático, seccionador de barras, transformadores de medida e elementos de protección, medida, tarificación e telecontrol.

-Edificio da subestación, pórtico e embarrado correspondente ás tres posicións, alimentación de servicios auxiliares en C.C. e C.A. e elementos de comunicación e transmisión remota de información.

-Características técnicas principais da liña:

Liña en dobre circuíto con orixe na subestación que se vai construír Vilalba II e enlace no apoio nº 142 da liña existente Vilalba-Mondoñedo.

Tensión nominal: 132 kV.

Nº de circuítos: 2.

Lonxitude: 1,32 km.

Potencia normal prevista: 71 MWA.

Conductores: tipo aluminio-aceiro LA 110 de sección 116,2 mm e 4.400 kg de carga de rotura.

O que se fai público para o coñecemento xeral e especialmente dos propietarios e demais titulares afectados dos que se insire a relación no anexo desta resolución, así como das persoas que sendo titulares de dereitos reais, ou intereses económicos sobre os bens afectados foran omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada na Ronda da Muralla 70 (edificio administrativo da Xunta de Galicia) e presenta-las alegacións oportunas no prazo de 30 días contados

desde o seguinte ó da última publicación desta resolución.

Esta resolución realízase igulamente para os efectos do artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares do predios propostos como descoñecidos, se ignore o lugar da notificación ou ben intentada a notificación, non se puidera practicar, e así dirixir ó Ministerio Fiscal as dilixencias que se produzan de conformidade co artigo 5 da Lei de expropiación forzosa do 16 de decembro de 1954.

Lugo, 22 de marzo de 2000.

Jesús Bendaña Suárez

Delegado provincial de Lugo

Relación de propietarios, bens e dereitos afectados

Expediente: 15/1999 A.T.Provincia: Lugo

L.A.T. D/C 132 kV Sub. Vilalba-liña S/C 132 kV Vilalba-MondoñedoTermo municipal: Vilalba

ApoioVoo

NºLugarCultivoNome e apelidosEnderezoNºmmlm