1. Entidade adxudicadora: organismo autónomo local Instituto Municipal de Deportes, rúa J. M. Pintos, s/n, 36071 Pontevedra.

a) Órgano de contratación: Xunta Rectora.

b) Dependencia que tramita o expediente: Secretaría.

2. Obxecto do contrato.

a) Descrición do obxecto: xestión, explotación e mantemento das instalacións deportivas de Campolongo (piscina cuberta e climatizada, squash, ximnasio e cafetería) do organismo autónomo local Instituto Municipal de Deportes.

b) Duración da concesión: o contrato de xestión, explotación e mantemento das instalacións deportivas de Campolongo terá unha duración máxima de dez anos improrrogables, computados desde a formalización do contrato.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Canon: o canon anual mínimo para satisfacer polo concesionario fíxase en 2.000.000 de ptas., que será aboado na Tesourería do concello por trimestres vencidos, dentro dos primeiros dez días do mes seguinte ó vencemento.

5. Garantías.

a) Provisional: 800.000 ptas.

b) Definitiva: unha anualidade do canon cun mínimo de 5.000.000 de ptas.

6. Obtención de documentación e información.

a) Lugar: Pavillón Municipal de Deportes de Pontevedra. Rúa J. M. Pintos, s/n. Pontevedra 36005. Teléfono: 986 87 20 12/13. Fax: 986 87 20 12.

b) Data límite de obtención de documentos e información: vinteseis (26) días naturais contados a partir do día seguinte ó da publicación deste anuncio no Diario Oficial de Galicia.

7. Presentación das ofertas.

a) Data límite de presentación: vinteseis días naturais contados a partir do día seguinte ó da publicación deste anuncio no Diario Oficial de Galicia.

b) Documentación que hai que presentar: cláusula 19ª do prego.

c) Lugar de presentación: rexistro do organismo autónomo Instituto Municipal de Deportes, das 9 ás 13 horas.

8. Apertura das ofertas: será realizada mesa de contratación o segundo día hábil seguinte ó da terminación do prazo sinalado para a presentación das ofertas; se coincidese en sábado, a apertura realizarase o día seguinte hábil, ás 13 horas, na sala de xuntas do concello.

9. Criterios de selección: os criterios que servirán de base para a adxudicación serán os seguintes:

a) Melloras ofertadas en equipamentos de xeración de enerxía, depuración, telecontrol, automatización, outros accesorios, etc. das instalacións, non concretados no prego, debidamente valorados: ata un 25%.

b) Por experiencia en traballos similares (concesións administrativas para a xestión, explotación e mantemento de piscinas cubertas e climatizadas e, de se-lo caso, anexos) así como a cuantificación e cualificación (en número de horas e persoas) do cadro de persoal proposto polo licitador, xunto con datos profesionais que permitan valora-la experiencia e preparación: ata un 20%.

c) Proposta de execución de obras de conservación, mellora e mantemento, distintas das previstas no prego como obriga do adxudicatario e debidamente valoradas: ata un 20%.

d) Maior canon ofertado a favor do Instituto Municipal de Deportes de Pontevedra: ata un 15%.

e) Viabilidade do plan de explotación, utilización, organización e funcionamento dos servicios e instalacións, así como os plans e programas de actividades deportivo-recreativas proposto polo licitador: ata un 15%.

f) Pola reducción do prazo de concesión: ata un 5%.

10. Gastos: serán por conta do adxudicatario os gastos de publicación de anuncios e cantos outros se orixinen con motivo dos trámites preparatorios do contrato, así como todo tipo de tributos, incluído o imposto estatal sobre o valor engadido e o imposto municipal sobre actividades económicas.

Pontevedra, 13 de abril de 2000.

Manuel Xesús Fontán Bouzas

Presidente

Adolfo Castro Pérez

Secretario