De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle á persoa cos datos persoais e último enderezo coñecido que se sinalarán de seguido, a incoación do correspondente expediente sancionador
acordada polo delegado provincial da Consellería de Medio Ambiente de Ourense, por presunta infracción da Lei 1/1993, do 13 de abril, de protección de animais domésticos e salvaxes en catividade e Decreto 153/1998, do 2 de abril, polo que se aproba o regulamento da lei anterior.
Noméase instructora do expediente a Míriam López Areal, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administracións públicas e do procedemento administrativo común, o expedientado disporá dun prazo de quince (15) días hábiles, contados a partir do seguinte ó da publicación desta noficación para que poidan examina-los expedientes nesta delegación provincial, sita na rúa do Paseo nº 18-5º andar e achegar por escrito as alegacións, e os documentos, informacións ou proposta de probas que consideren convenientes na defensa dos seus dereitos.
De conformidade co artigo 44.2º, da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, infórmase a caducidade do expediente por teren transcorrido os prazos legalmente establecidos tendo en conta as posibles interrupcións do seu cómputo por causas imputables ó interesado. A resolución que declare a caducidade ordenará o arquivo das actuacións cos efectos previstos no artigo 92 desta lei.
De non efectuaren alegación ningunha no prazo fixado, este acordo de incoación poderá ser considerado proposta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto, determinándose para estes efectos o importe da sanción en 50.001 pesetas de multa.
Para resolve-lo expediente é competente por razón da contía da multa o director xeral de Montes e MAN desta consellería de acordo co artigo 24.2º b) da Lei 1/1993, do 13 de abril, de protección de animais domésticos e salvaxes en catividade e Decreto 153/1998, do 2 de abril.
O pagamento voluntario porá fin ó expediente. O importe da sanción que en cada caso corresponda farase efectivo na conta número 2091-0388-90-3110001181 de Caixa Galicia, empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia.
Ourense, 28 de marzo de 2000.
Agustín Prado Verdeal
Delegado provincial de Ourense
ANEXO
-Expediente: OU-17/99-AN.-Denunciado: José Manuel Merelles Janeiro.
-DNI: 44.475.669.
-Último enderezo coñecido: A Pedrosa, 72-2º C (Ourense).-Feitos probados: por transportar no maleteiro do seu vehículo Ford Fiesta, matrícula V-1669-BV, tres cans, dous de raza Pointer e un Epanowell Bretón sen poder moverse debido ó escaso espacio dispoñible, con falta de osíxeno.-Precepto infrinxido e sancionador: artigo 24.2º b) da Lei 1/1993, do 13 de abril, de protección de animais domésticos e salvaxes en catividade, e Decreto 153/1998, do 2 de abril, polo que se aproba o regulamento da lei anterior.-Sanción: 50.001 ptas.