Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Sestelo y Cia, S.A.

Domicilio social: Gabino Bugallal, 44, 36860 Ponteareas.

Denominación: reforma L.M.T. zona industrial-tramo Lomba-Areas.

Situación: Ponteareas.

Descricións técnicas: L.M.T., aérea, a 20 kV, de 340 m de lonxitude, con conductor tipo LA-110, sobre apoios metálicos, desde a L.M.T. existente na zona industrial ata o C.T. existente de Bloarco, en Lomba-Areas, concello de Ponteareas.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén pode interpor calquera outro recurso que considere pertinente ó seu dereito.

Pontevedra, 6 de marzo de 2000.

Carmen Bianchi Valcarce

Delegada provincial de Pontevedra