Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa.

Domicilio social: Avda. Arteixo, 171, 15009 A Coruña.

Denominación: reforma R.B.T. Orto do C.T. Pantano.

Situación: Abegondo.

Descricións técnicas: reforma da liña eléctrica aérea de baixa tensión, a 380/220 V en zona de Orto, sobre apoios de formigón e con conductor R.Z., de 374 m de lonxitude, con orixe no C.T. O Pantano e enlazando con rede existente. Abegondo.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.

A Coruña, 24 de marzo de 2000.

Jesús Espada Martínez

Delegado provincial da Coruña