Para os efectos previstos nos artigos 53 e 54 da Lei 54/1997, do sector eléctrico, dos decretos 2617/1966, 2619/1966 e 2818/1998, do Ministerio de Industria e Enerxía, do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, da Lei 10/1995, no seu artigo 25.3º, do 23 de novembro, de ordenación do territorio de Galicia, do Decreto 327/1991, do 4 de outubro, de avaliación de efectos ambientais para Galicia, do Decreto 442/1990, do 13 de setembro, de avaliación do impacto ambiental para Galicia, sométese a información pública para a autorización administrativa, aprobación do proxecto de execución, aprobación do proxecto sectorial urbanístico e declaración de efectos ambientais das instalacións eléctricas que se citan:

Solicitante: Energías Ambientales EASA, S.A.

Domicilio social: R/ José Luis Bugallal Marchesi, 10-1º, 15008 A Coruña.

Denominación: parque eólico de Monte Redondo.

Situación: concello de Vimianzo.

Características técnicas:

-Potencia que se vai instalar: 49,50 Mw.

-Coordenadas:

V (491.250, 4.776.000), V (492.500, 4.774.750), V (494.250, 4.774.750), V (494.250, 4.776.000), V (495.500, 4.776.000), V (495.500, 4.772.000), V (493.500, 4.772.000), V (492.250, 4.773.000), V (492.750, 4.773.500), V (491.000, 4.775.500).

-66 aeroxeradores, Mod. Ecotecnia 48/750, de 750 kW de potencia, montados sobre torres metálicas troncocónicas de 55 m de altura e rotores de 3 pas de 48 m de diámetro.

-66 transformadores de 850 kVA, con tensións de 20/0,69 kV, situados no interior da torre de cada aeroxerador.

-Rede eléctrica subterránea de tensión 20 kV con conductor R.H.V. 12/20 kV de 3(1x150), 3(1x240)

e 3(1x400) mm Al, interconectado ós transformadores.

-Subestación eléctrica equipada cun transformador de potencia de 50 MVA e un transformador de servicios auxiliares de 100 kVA e tensións de 20/0,4 kV.

-Aparellos para telemando, telecontrol, protección e sinalización.

O que se fai público para o coñecemento xeral e especialmente dos propietarios e demais titulares afectados, dos que se insire relación no anexo desta resolución, así como as persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, sita no edificio administrativo Monelos, s/n, 15008 A Coruña, e presenta-las alegacións oportunas no prazo de 30 días, contados desde o seguinte ó da última publicación desta resolución.

Así mesmo, o estudio ambiental correspondente ás instalacións do parque eólico de Monte Redondo poderanse examinar nas dependencias da Dirección Xeral de Industria, Dirección Xeral de Calidade e

Avaliación Ambiental, delegación provincial da Consellería de Medio Ambiente na Coruña e no Concello de Vimianzo (A Coruña), podendo presentarse cantas alegacións se consideren pertinentes, ante a delegación provincial da Consellería de Industria e Comercio da Coruña, dentro do mesmo prazo sinalado no parágrafo anterior. Finalizado o dito prazo, o expediente, xunto coas alegacións recibidas, remitirase á Dirección Xeral de Calidade e Avaliación Ambiental.

Esta publicación realízase igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar da notificación; e deste xeito dirixir ó Ministerio Fiscal as dilixencias que se produzan destes, de conformidade co artigo 5 da Lei de expropiación forzosa do 16 de decembro de 1995.

A Coruña, 21 de marzo de 2000.

Jesús Espada Martínez

Delegado provincial da Coruña

ANEXO

Parque eólico de Monte Redondo

Relación de propietarios, bens e dereitos afectados

Concello: VimianzoProvincia: A Coruña