Mediante o Decreto 195/1984, do 27 de decembro (DOG número 25, do 5 de febreiro de 1985), determinouse, entre outros, o nome oficial do concello de Laracha.
O traballo de campo posterior e a documentación consultada pola Comisión de Toponimia para deter
mina-los nomes oficiais das parroquias e lugares do devandito concello achegaron información que aconsellan revisa-lo nome oficial que no seu día se determinou.
En consecuencia, tendo en conta o dictame da Comisión de Toponimia, emitido na súa sesión do 1 de marzo de 2000, por proposta do conselleiro da Presidencia e Administración Pública e logo de deliberación do Consello da Xunta de Galicia, na súa reunión do día dezaseis de marzo de dous mil,
DISPOÑO:
Artigo único.-Modifícase o Decreto 195/1984, do 27 de decembro, polo que se determinan os nomes oficiais dos concellos de Galicia que se relacionan, no sentido seguinte:
Provincia da Coruña
Onde di: «Nome oficial: Laracha», debe dicir: «Nome oficial: A Laracha».
Disposición adicional
Do establecido no presente decreto daráselles conta ás autoridades estatais correspondentes para os efectos que cumpran no exercicio das súas funcións.
Disposición derradeira
Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dezaseis de marzo de dous mil.
Manuel Fraga Iribarne
Presidente
Jaime Pita Varela
Conselleiro da Presidencia e Administración Pública