1. Entidade adxudicadora.
a) Organismo: Concello de Meira.
b) Dependencia que tramita o expediente: secretaría.
2. Obxecto do contrato.
a) Descrición do obxecto:
1.1. O obxecto do contrato de consultoría e asistencia é a elaboración do traballo titulado Redacción do Plan Xeral de Ordenación de Meira, coa documentación e contido que se definen na Lei 1/1997, do 24 de marzo, dos solo de Galicia, no Regulamento de planeamento, no prego de prescricións técnicas e no prego de cláusulas económico-administrativas particulares.
1.2. Ademais do propio traballo material de redacción do plan xeal, o contrato implica para o contratista a obriga de presta-los seguintes servicios:
Recompilación da información previa necesaria (cartográfica, fotográfica, documental, de campo, etc.)
Asistencia e apoio nos procesos de exposición pública do avance e de información ó público: informe das suxestións e alegacións presentadas neses trámites.
Asesoramento técnico ó concello nos procesos e trámites de elaboración do plan xeral (convenios con particulares ou organismos, cumprimento de informes, etc.).
Entrega ó concello, en cada fase de tramitación, das copias completas do traballo que sexan precisas co fin de recadar informes sectoriais, somete-la información ó público, etc. De non establecerse outra cousa no contrato, esta obriga limítase a 6 (seis) copias en cada unha das fases.
1.3. Tódolos documentos integrantes do plan redactaranse en idioma galego, sen prexuízo de que o concello solicite, ademais, unha traducción para o castelán.
b) Lugar de execución: termo municipal de Meira.
c) Prazo de execución: vintedous (22) meses.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación: importe total, 11.000.000 de pesetas, IVE incluído.
5. Garantías: provisional: 2% do tipo de licitación (220.000 pesetas).
6. Obtención de documentación e información.
a) Entidade: Concello de Meira (Lugo).
b) Domicilio: praza do Concello, s/n.
c) Localidade e código postal: Meira, 27240.
d) Teléfono: 982 33 01 02.
e) Fax: 982 33 01 02.
f) Data límite de obtención de documentos e información: ata a data de finalización do prazo de presentación de proposicións.
7. Requisitos específicos do contratista.
a) Clasificación: non se esixe.
8. Presentación de ofertas.
a) Data límite de presentación: o vixésimo sexto día natural seguinte ó da publicación deste anuncio no BOP de Lugo e no DOG, tomando como día para o inicio do prazo o seguinte ó da última publicación.
b) Documentación que hai que presentar: a sinalada na base 12 do prego de cláusulas económico-administrativas particulares.
c) Lugar de presentación:
1ª Entidade: Concello de Meira (Lugo).
2ª Domicilio: praza do Concello s/n.
3ª Localidade e codigo postal: Meira, 27240.
d) Prazo durante o que o licitador estará obrigado a mante-la súa oferta: tres meses desde que finalice o prazo de presentación de proposicións.
9. Apertura das ofertas: no salón de sesións do Concello de Meira, na praza do Concello s/n, ás dez horas do décimo día hábil seguinte a aquel en que remate o prazo de presentación de proposicións (agás que coincida en sábado); neste caso trasladaríase así mesmo ó día seguinte hábil.
10. Gastos de anuncios: serán por conta do adxudicatario tódolos gastos que por este motivo se devengan.
Meira, 28 de marzo de 2000.
Rosendo Folgueira Valle
Alcalde