Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: Avda. de Arteixo, 171, 15000 A Coruña.

Denominación: L.M.T.S. Asilo-Cadaval-Camiño do Piñeiro.

Situación: Narón.

Descricións técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3(1x240) mm Al, de 1.500 m de lonxitude, con orixe no C.T. Asilo (expediente 29955) e discorrendo pola estrada de Castela empalma na liña existente que alimenta o C.T. 25 de Xullo. Narón.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

A Coruña, 3 de marzo de 2000.

Jesús Espada Martínez

Delegado provincial da Coruña