A Comisión de Goberno, na sesión celebrada o 17 de xaneiro de 2000, adoptou, entre outros, o seguinte acordo:
1. Modifica-lo ámbito do sector S-7, delimitado polo plan xeral, excluíndo do ámbito do solo cualificado como sisitema xeral ferroviario, deixando incluída a zona de afección ferroviaria.
2. Aproba-la delimitación de dous polígonos para a execución do plan parcial: un situado ó oeste do Coliseo, cun sistema de xestión por ocupación directa, e outro que engloba o resto do ámbito, cun sistema de actuación por compensación.
3. Aprobar inicialmente o Plan Parcial do Sector S-7, Someso, recinto ferial, presentado por Antonio Fontela Ramil, en representación da Comisión Xestora do Sector S-7.
4. Ó documento de aprobación definitiva deberá incorporarse como anexo dunha ordenanza de estética que permita un tratamento coherente das distintas zonas nas que se propón o desenvolvemento.
5. Ordena-la publicación deste acordo na forma legalmente prevista.
O que se fai público para xeral coñecemento, con fin de que á vista do expediente se poidan formula-las alegacións oportunas durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse en horario laboral de 12 a 14 horas, de luns a venres, na oficina de Planeamento do Servicio de Urbanismo, sito na Avenida da Marina, 18.
A Coruña, 21 de marzo de 2000.
Salvador Fernández Moreda
Concelleiro delegado de Urbanismo