De conformidade coa proposta elevada pola comisión constituída para xulga-lo concurso convocado por resolución desta universidade do 4 de maio de 1999 (BOE do 29 de maio) para a provisión da praza de profesor titular de universidade da área de coñecemento de dereito mercantil, do departamento de Dereito Mercantil e do Traballo da Universidade de Santiago de Compostela, a favor de José Ignacio Amancio Vidal Portabales, e tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro.

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a José Ignacio Amancio Vidal Portabales profesor titular de universidade da área de coñecemento de dereito mercantil, do departamento de Dereito Mercantil e do Traballo da Universidade de Santiago de Compostela.

Santiago de Compostela, 13 de marzo de 2000.

F. Darío Villanueva Prieto

Rector da Universidade de Santiago de Compostela