Aprobadas inicialmente polo Pleno do Concello as modificacións do Plan Xeral de Ordenación Urbana de Chantada seguintes:

-Proxecto técnico que afecta ó treito de terreo que desde a rúa de Luis Soto Lemos conduce á praza de nova creación que percorre paralela a rúa Pardo Bazán, por instancia dos veciños, José Manuel López López, Javier Vázquez Vázquez e Emilio López Sotelo.

-Proxecto técnico que afecta a un treito de terreo que partindo da Avda. de José Antonio conduce a vial, sen urbanizar na actualidade, que discorre pegado á beira do río Asma.

-Proxecto técnico que afecta a un treito de terreo da rúa desde a CN-540 ó campo de fútbol, e que consiste en urbaniza-lo acceso desde a Ponte Nova (extrada CN-540), conduce ó Parque de Sangoñedo, mediante a segregación do solo ocupado polo dito acceso, da delimitación do solo urbanizable programado (SUP 1).

Sométese a información pública polo prazo dun mes, contado a partir da inserción deste anuncio no DOG, para que durante o dito prazo poidan ser examinados por calquera persoa física ou xurídica nas oficinas municipais, para formular alegacións ou observacións que se estimen pertinentes.

Nas áreas afectadas polas modificacións queda suspendido o outorgamento de licencias de acordo

co especificado no artigo 34 da Lei do solo de Galicia, por canto as modificacións afectan ó réxime urbanístico vixente para elas.

Chantada, 23 de febreiro de 2000.

Manuel L. Varela Rodríguez

Alcalde