O Pleno Municipal, en sesión extraordinaria do 17 de decembro de 1999, por maioría absoluta legal, acordou a aprobación definitiva da modificación puntual nº 4 das normas subsidiarias de planeamento deste concello, correspondente á reordenación dunha parcela en Pedrón Salgueiro, incorporando as delimitacións impostas en relación ós terreos inmediatos ó ferrocarril e sobre os terreos de titularidade do ferrocarril e valados de peche, debendo desenvolverse a modificación puntual a través dun estudio de detalle que recolla as determinacións do nivel
de aproveitamento e cesións cuantificando estas, de conformidade co sinalado no seu día pola Consellería de Política Territorial, Obras Pública e Vivenda.
O que se fai público para xeral coñecemento, significando que, contra o acordo que é definitivo na vía administrativa, se poderán interpoñe-los recursos que seguen:
a) Potestativo de reposición ante o Pleno do Concello, polo prazo dun mes a partir do día seguinte ó da publicación deste anuncio, computado na forma prevista no artigo 48 da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999.
b) Recurso contencioso-administrativo, no prazo de dous meses contados desde o día seguinte ó da publicación do presente anuncio ante o Tribunal Superior de Xustiza de Galicia ou Xulgado do Contencioso-Administrativo de Lugo, nos casos sinalados no artigo 8 da Lei 29/1998, do 13 de xullo, reguladora da xurisdicción contencioso-administrativo.
Non embargante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro, ou se produza a súa desestimación presunta por transcurso do prazo máximo dun mes, para dictar e notifica-la resolución.
c) Calquera outro recurso que se considere oportuno e sexa procedente interpoñer.
O que se expón ó público de conformidade co disposto no artigo 48 da Lei 1/1997, do 24 de marzo, do solo de Galicia, efectuándose a publicación do texto íntegro dela no BOP de Lugo.
Burela, 25 de xaneiro de 2000.
P.D.F. (Resolución alcaldía 8-9-1999)
Critóbal Edrosa Fernández
Segundo tenente de alcalde