A Orde do 31 de xullo de 1998 desta consellería (DOG nº 164 do 25 de agosto), establece o mecanismo para o recoñecemento das escolas de navegación de lecer.
No seu artigo 18, establece a obriga de notificar calquera modificación que afecte as circunstancias nas que foi recoñecida.
Solicitándose o cambio de titular dunha escola recoñecida e logo de cumprido o procedemento establecido, procede autorizalo e realiza-la súa inscrición no Rexistro de Escolas de Navegación de Lecer.
Polo exposto,
RESOLVE:
Artigo 1º.-Autoriza-lo cambio de titular á seguinte escola, XGENOO2 da que é titular Mª del Rocío Gil Gómez con denominación comercial (Cainosa), a favor de Cainosa Vigo, S.L.
Artigo 2º.-Inscribir no Rexistro de Escolas de Navegación de Lecer da Dirección Xeral de Formación Pesqueira e Investigación o novo titular, quedando a súa inscrición como segue:
XGENOO2.-Cainosa Vigo, S.L. con NIF B-36857944 dentro da categoría de escolas básicas de navegación de lecer (ENAL básica).
Santiago de Compostela, 26 de xaneiro de 2000.
Amancio Landín Jaraiz
Conselleiro de Pesca, Marisqueo e Acuicultura