Para os efectos previstos na Lei 54/1997, do 27 de novembro, e no artigo 9 do Decreto 2617/1966,
sométese a información pública a petición de autorización da instalación eléctrica que se cita:
Solicitante: PIESA.
Domicilio social: Juan Bravo, 3-B-1º, 28000 Madrid.
Denominación: L.A.T. 220 Repsol-A Grela.
Situación: A Coruña.
Descricións técnicas: liña eléctrica subterránea de alta tensión, a 220 kV, denominada Repsol-A Grela, baixo tubo de polietileno, en gabia de 1,50 m de profundidade por 0,7 m de largo, con conductor XLPE 220/127 kV de 3(1x1.200) mm Al, de 4.200 m de lonxitude, con orixe na subestación eléctrica de Repsol-Petróleo, S.A. e discorrendo por r/ León, r/ Butano, estrada Fisterra C-552, r/ Severo Ochoa, r/ Newton, estrada Baños de Arteixo e final na subestación eléctrica da Grela, de Unión Fenosa, sendo instalada xunto coa liña eléctrica cable de fibra óptica tipo PKP de 64 fibras e 14,6 mm de diámetro. A instalación discorre polos concellos de Arteixo e A Coruña.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 20 de xaneiro de 2000.
Jesús Espada Martínez
Delegado provincial da Coruña