Visto o expediente instruído para efectos de transmisión do viveiro Meléndez V e da concesión administrativa que o ampara, resulta:
a) Antecedentes de feito.
Primeiro: mediante escrito con data do 15-7-1999, José Fernández Piñeiro solicitou autorización para transmisión da concesión do viveiro Meléndez V.
Segundo: os informes do Servicio de Protección dos Recursos sobre as características do viveiro e do Servicio Técnico Xurídico sobre a tramitación do expediente son favorables.
b) Fundamentos xurídicos.
Primeiro: este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999, de delegación de competencias nos delegados territoriais da Consellería de Pesca, Marisqueo e Acuicultura.
Segundo: o expediente seguiu tódolos trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, por proposta de resolución elaborada polo Servicio de Recursos
Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e demais normas de xeral e pertinente aplicación, tiven a ben dicta-la seguinte resolución:
Autoriza-la transmisión mortis causa, a favor de Carmen Piñeiro Vaamonde (35.383.671), José Fernández Piñeiro (35.418.561) e Juan Fernández Piñeiro (35.428.941), da concesión administrativa do viveiro que se indica a continuación:
Identificación.
Tipo: batea.
Nome: Meléndez V.
Localización: 119 Vilagarcía B.
Especies autorizadas: mexillón (M. galloprovincialis).
Título habilitante.
Orde de outorgamento: 12-6-1974.
Remate da vixencia: 30-7-2004.
Antigo titular: José Manuel Fernández Mouta (35.383.672) e Carmen Piñeiro Vaamonde (35.383.671).
O novo titular da concesión queda subrogado nos dereitos e obrigas do anterior.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o consellerio de Pesca, Marisqueo e Acuicultura, ou recurso contencioso-administrativo, ante a xurisdicción contencioso-administrativa, que se interporá no prazo de dous meses contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.
Vigo, 19 de xaneiro de 2000.
P.D. (14-6-1999, DOG nº 120, do 24 de xuño)
Rosa Mª Quintana Carballo
Delegada territorial de Vigo