Aprobado polo Pleno da Corporación, en sesión ordinaria do 5 de xaneiro de 2000, o prego de cláusulas administrativas particulares para a contratación mediante concurso con procedemento aberto para a explotación das instalacións municipais de ambigú do polideportivo municipal de Cedeira, exponse ó público durante o prazo de 8 días na Secretaría do Concello.
Ó mesmo tempo, e de conformidade co establecido no artigo 122.2º do Real decreto lexislativo 781/1986, de 18 de abril, anúnciase simultaneamente a licitación do concurso de referencia, se ben a licitación se aprazará no suposto de que se formulasen reclamacións contra o prego de cláusulas administrativas ata que se resolvan pola corporación:
1. Entidade adxudicadara.
a) Organismo: Concello de Cedeira.
b) Dependencia que tramita o expediente: secretaría xeral.
2. Obxecto do contrato: concesión dun local dentro do polideportivo municipal sito na Avda. de España para a explotación dun ambigú.
3. Duración do contrato: seis meses prorrogables tacitamente por iguais períodos ata un máximo de cinco anos, de non existir denuncia do contrato por calquera das partes con dous meses de antelación á data do vencemento.
4. Canon que vai satisface-lo concesionario: non se fixa canon anual para percibir polo concello, deixándose en liberdade ós licitadores para propoñelo nas súas ofertas.
5. Procedemento e forma de adxudicación.
a) Procedemento: aberto.
b) Forma de adxudicación: concurso.
6. Garantía provisional: 25.000 pesetas.
7. Garantía definitiva: 27.000 pesetas.
8. Obtención de documentación e información: Concello de Cedeira, rúa Real nº 15, Cedeira (A Coruña), teléfono 981 48 00 00.
9. Lugar e prazo de presentación de proposicións: as ofertas presentaranse no rexistro xeral do Concello de Cedeira das 9 ás 14 horas, durante o prazo de vinteseis días naturais contados desde o seguinte ó da última publicación deste anuncio de licitación no BOP ou no DOG.
10. Documentación que hai que presentar: as proposicións presentaranse en sobre pechado titulado: «Proposición para tomar parte no concurso para a adxudicación da concesión da explotación das instalacións municipais de ambigú do polideportivo municipal de Cedeira» e conterá a documentación esixida na cláusula 12.1º do prego.
11. Apertura de proposicións: no salón de comisións do Concello de Cedeira, ás trece horas do primeiro mércores hábil seguinte ó do remate do prazo de presentación de proposicións.
12. Gastos de anuncios: serán por conta do adxudicatario.
Cedeira, 8 de febreiro de 2000.
Xoán Xosé Rodríguez Pérez
Alcalde-presidente