Rematado o proceso selectivo convocado pola Orde do 30 de decembro de 1997 (DOG nº 11, do 19 de xaneiro de 1998) para o acceso ó corpo de xestión de Administración xeral da Xunta de Galicia, mediante a Orde do 21 de decembro de 1999 (DOG nº 7, do 12 de xaneiro de 2000) pola que se eleva a definitiva a proposta de aspirantes que superaron este. Verificada a concorrencia dos requisitos esixidos nas bases das convocatorias e realizado o acto previsto na Orde do 1 de febreiro de 2000.
Esta consellería, de conformidade co disposto na Lei 4/1988, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal da Administración da Xunta de Galicia, e demais normas concordantes nas bases da convocatoria do proceso selectivo,
DISPÓN:
Primeiro.-Nomear funcionarios do corpo de xestión da Administración xeral da Xunta de Galicia ós aspi
rantes aprobados que se relacionan no anexo desta orde, ordenados, nos correspondentes sistemas de acceso, de acordo coa puntuación final obtida, e adxudicándolles, como destinos provisionais, os que figuran no anexo.
Segundo.-Para adquiri-la condición de funcionarios, as persoas a que se refire o anexo desta orde deberán cumpri-los requisitos esixidos no artigo 45 da Lei 4/1988, do 26 de maio, da función pública de Galicia e tomar posesión do correspondente posto de traballo no prazo legalmente previsto.
Terceiro.-O prazo de toma de posesión comezará a computarse a partir do día seguinte da publicación desta orde no Diario Oficial de Galicia.
Contra esta orde, que pon fin á vía administrativa, poderase interpoñer recurso potestativo de reposición ante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, segundo o artigo 8.2º en conexión co artigo 10.1º da Lei 29/1998, do 13 de xullo.
Santiago de Compostela, 16 de febreiro de 2000.
Jaime Pita Varela
Conselleiro da Presidencia e Administración
Pública
ANEXO
Corpo de xestión de Administración da Xunta de Galicia
(Grupo B)
Apelidos e nome DNI Código do posto Denominación Concello/provincia Carácter
Promoción interna
Constenla Patiño, Antonio Javier 36.055.476 SAC991000036560270 Posto base grupo B Vigo (Pontevedra) Provisorio
Acceso libre
Cortiñas Fernández, Silvia 33.291.122 FAC030000015770008 Posto base grupo B Santiago de Compostela (A Coruña) Provisorio Vázquez Lago, Cristina 32.815.136 SAC991000015001275 Posto base grupo B A Coruña Provisorio