En cumprimento do disposto no artigo 2, punto 4, do Decreto 327/1991, do 4 de outubro, de avaliación dos efectos ambientais para Galicia (Diario Oficial de Galicia nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública mediante anuncio no Diario Oficial de Galicia.

Na súa virtude,

1. Someter a información pública o estudio de efectos ambientais do proxecto de planta de tratamento por termólise de pneumáticos usados, refugallo de fragmentadora e outros residuos afíns.

2. Para os devanditos efectos informativos poranse á disposición dos administrados exemplares nas seguintes dependencias:

* Dirección Xeral de Calidade e Avaliación Ambiental.

* Delegación Provincial da Consellería de Medio Ambiente da provincia da Coruña.

* Concello das Pontes de García Rodríguez.

3. As alegacións formularanse durante o prazo de vinte días, contados a partir do día seguinte ó da

publicación desta resolución no Diario Oficial de Galicia.

Santiago de Compostela, 14 de febreiro de 2000.

Francisco Pan-Montojo González

Director xeral de Calidade e Avaliación Ambiental