De conformidade co disposto no titulo IX da Lei 54/1997, do 27 de novembro, do sector eléctrico, (BOE do 28), y decretos 2617 e 2619/1966, do 20 de outubro, sobre instalacións eléctricas (BOE do 24), de aplicación transitoria, incóase o expediente e sométese a información pública a solicitude de Gamesa Energía, S.A.con enderezo en avenida do Cruceiro da Coruña, 201-A de Santiago de Compostela, como entidade beneficiaria, para a autorización administrativa; a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens e dereitos que se afecten; e aprobación do proxecto de execución das instalacións de:

A liña eléctrica aérea de alta tensión a 66 kV con orixe na subestación do parque eólico Monte Treito (expediente 14/1998), sobre apoios metálicos e con conductor LA-280, de 5.248 m de lonxitude e final na subestación de apertura da L.A.T.a 66 kV Tambre-Padrón da provincia da Coruña, no termo municipal de Rois. (Expediente 227/1999).

O que se fai público para coñecemento xeral, en especial dos propietarios e demais titulares afectados dos que se insire relación no anexo desta resolución, así como as persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examina-lo expediente no que constan as características e afeccións derivadas do proxecto nesta Delegación Provincial, situada no edificio adminsitrativo Monelos s/n, 15071 A Coruña, e presenta-las alegacións oportunas no prazo de 30 días, contados desde o día seguinte ó da última publicación desta resolución.

Esta publicación realízase igualmente para os efectos do artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos como descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan, de conformidade co artigo 5 da Lei de expropiación forzosa do 16 de decembro de 1954.

A Coruña, 8 de febreiro de 2000.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 226/99 Provincia: A Coruña

L.A.T. 66 kVA. Parque eólico Monte TreitoConcello: Rois