O artigo 5.2º do Decreto 442/1990, de avaliación do impacto ambiental para Galicia (DOG número 188, do 25 de setembro), dispón que os estudios de impacto ambiental, someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio ambiental e plan de restauración da canteira de granito para perpiaño denominada A Voutureira, situada en terreos do concello de Melón, provincia de Ourense, e solicitado por Ernesto Suárez Vázquez.
Para os efectos informativos, porase á disposición dos administrados que o soliciten un exemplar del para consulta nas oficinas desta dirección xeral así
como nas dependencias da delegación provincial de Industria correspondente e as alegacións formularanse durante o prazo sinalado nas mesmas oficinas.
Santiago de Compostela, 18 de xaneiro de 2000.
Ramón Ordás Badía
Director xeral de Industria