Nomeados pola Resolución do 14 de outubro de 1999 (DOG nº 205, do 22 de outubro) funcionarios

en prácticas, os aspirantes que superaron a fase de oposición do proceso selectivo convocado pola Orde do 30 de outubro de 1997, para o ingreso no corpo de xestión de Administración da Xunta de Galicia, grupo B, escala técnica de finanzas, unha vez rematado o curso selectivo previsto na base III da convocatoria, vista a proposta do tribunal que cualificou este e verificada a concorrencia dos requisitos esixidos nas bases da convocatoria.

Esta consellería, de conformidade co disposto na Lei 4/1988, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal da Administración da Xunta de Galicia, demais normas concordantes e nas bases da convocatoria do proceso selectivo,

RESOLVE:

Primeiro.-Nomear funcionarios/as do corpo de xestión de Administración da Xunta de Galicia, grupo B, escala técnica de finanzas, os aspirantes aprobados que se relacionan no anexo desta resolución, ordenados nos correspondentes sistemas de acceso, e de acordo coa puntuación final obtida, destinándoos/as de conformidade coa base VII.2 da convo

catoria ós postos de traballo elixidos polos interesados que, así mesmo, se especifican e co carácter que se menciona.

Segundo.-Para adquiri-la condición de funcionarios, as persoas a que se refire o anexo desta resolución deberán cumpri-los requisitos esixidos no artigo 45 da Lei 4/1988, do 26 de maio, da función pública de Galicia e tomar posesión do correspondente posto de traballo no prazo legalmente previsto.

Terceiro.-O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.

Con esta resolución, que pon fin á vía administrativa, poderase interpoñer recurso potestativo de

reposición ante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, segundo o artigo 8.2º en conexión co artigo 10.1º da Lei 29/1998, do 13 de xullo.

Santiago de Compostela, 11 de febreiro de 2000.

Jaime Pita Varela

Conselleiro da Presidencia e Administración

Pública

ANEXO

Corpo de xestión de Administración da Xunta de Galicia (grupo B)

Escala técnica de finanzas

Acceso libre