Visto o expediente para outorgamento de autorización administrativa e aprobación do proxecto de

execución da instalación eléctrica que a continuación se cita.

Solicitante: Unión Eléctrica-Fenosa, S.A.

Domicilio social: Avda. de Arteixo, 171, 15007 A Coruña.

Denominación: modificación L.A.T. 66 kV, San Caetano-Grela.

Situación: Santiago de Compostela.

Descricións técnicas: modificación da liña eléctrica aérea de alta tensión, a 66 kV, denominada San Caetano-Grela, entre os apoios nº 12 a 20, implantado: 7 apoios metálicos, dos que 5 son tipo arce e 2 monobloques, conductor LA-180 e cunha lonxitude de 1.447 m. Santiago de Compostela.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 10 de xaneiro de 2000.

Jesús Espada Martínez

Delegado provincial da Coruña