Faise público que mediante Decreto do 16 de decembro de 1999, a Alcaldía-Presidencia aprobou definitivamente a proposta de delimitación do polígono en Area-San Pedro, presentada por O Mirador Bruxo, S.L., establecendo como sistema de actuación o de cooperación, iniciando, de conformidade co previsto no artigo 102 da Lei 1/1997, do solo de Galicia, o expediente de reparcelación, suspendendo expresamente o outorgamento de licencias de parcelación e edificación no ámbito do polígono.

A citada resolución pon fin á vía administrativa polo que contra ela cabe interpoñer potestativamente recurso de reposición, no prazo dun mes, ante o mesmo órgano que a dictou, ou interpoñer directamente recurso contencioso-administrativo ante o correspondente xulgado do contencioso-administrativo ou a Sala do Contencioso-Administrativo do Tribunal Superior de Xustiza de Galicia, segundo a distribución de competencias que se conten na Lei 29/1998, do 13 de xullo, no prazo de dous meses contados a partir da notificación.

Nigrán, 20 de decembro de 1999.

José Manuel Rial Cadaval

Alcalde