Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Sáenz Díez, 45. 32003-Ourense.

Denominación: L.M.T.S., C.T., R.B.T., estrada de Xunqueira.

Situación: Allariz.

Características técnicas: L.M.T. subterránea a 20 kV de 520 metros de lonxitude en conductor R.H.V.-12/20 kV, con orixe na L.M.T.S. a C.T. estrada de Xunqueira e remate na L.M.T.S. a C.T. Castelo. C.T. proxectado en baixo de estrada de Xunqueira, 46 (Allariz) con 400 kVA e R/T 20.000/380-220 V. R.B.T. subterránea do C.T. proxectado de 130 metros en conductor R.V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 14 de decembro de 1999.

Alfredo Cacharro Pardo

Delegado provincial de Ourense