O Consello da Xerencia Municipal de Urbanismo, en sesión do día 21 de outubro de 1999, tomou coñecemento do avance do Plan Especial de Reforma Interior, polígono de Fátima e delimitación do seu ámbito (expediente 5265/411), presentado pola entidade Centro Médico Gallego, S.A., redactado pola arquitecta María Asunción Leboreiro Amaro, con data de visado polo COAG do 30 de setembro de 1999.

Sométese o expediente de referencia a información pública polo prazo dun mes, mediante inserción de anuncios no DOG, e nun dos xornais de maior circulación da provincia, significando que o prazo de exposición ó público se entenderá aberto desde a primeira publicación ata o remate do mes contados desde o derradeiro anuncio, co fin de que as distintas entidades públicas e privadas e os particulares poidan formula-las suxestións que consideren oportunas e presentar propostas e convenios urbanísticos que coiden procedentes. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

Este anuncio serviralles de notificación nos termos do artigo 59 da Lei de réxime xurídico das administracións públicas e do procedemento administrativo común a tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 29 de outubro de 1999.

Lois Pérez Castrillo

Alcalde-presidente da Xerencia Municipal

de Urbanismo