O punto 3 da base sexta A) da Resolución do 23 de xullo de 1997 (Diario Oficial de Galicia nº 146, do 31 de xullo) modificada por Resolución da División de Recursos Humanos do 28 de decembro de 1998 (Diario Oficial de Galicia nº 6, do 12 de xaneiro de 1999) pola que se convoca concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde dispón que, rematada a fase de oposición e respecto ós aspirantes que superaron a dita fase, o tribunal procederá á baremación desta fase de concurso e que se publicará no Diario Oficial de Galicia, con indicación da puntuación obtida por cada aspirante.

Adoptado acordo ó respecto polos respectivos tribunais, procede agora darlle publicidade no Diario Oficial de Galicia, facultándose para isto expresamente a este centro directivo, polo que

RESOLVE:

Primeiro.-Publicar, no anexo desta resolución, as puntuacións da baremación da fase de concurso, obtidas polos aspirantes que superaron a fase de

oposición das clases de inspectores médicos, inspectores farmacéuticos e subinspectores sanitarios do Servicio Galego de Saúde, de conformidade co previsto no punto 3 da base sexta A) da convocatoria.

Segundo.-Contra a baremación, os aspirantes que o consideren oportuno poderán presentar reclamación perante o propio tribunal no prazo de dez días hábiles contados a partir do seguinte ó da publicación no Diario Oficial de Galicia da dita baremación.

Santiago de Compostela, 27 de xaneiro de 2000.

Valeriano Martínez García

Director xeral da División de Recursos Humanos

ANEXO